ഒരു “ ജിമ്മന്‍ “ അഥവാ ഒരു “ കട്ട” ആവുക എന്നതു എന്റെ ഒരു ജീവിതാഭിലാഷമായിരുന്നു. ഇന്നും അങ്ങനെ തന്നെ .. ! ‘ പക്ഷേ ,എന്റെ കഷ്ട കാലത്തിനു ത്രിക്കൂരില്‍ ഒരു “ ജിമ്മ്നേഷ്യം “ പോലും ഇല്ലായിരുന്നു.പിന്നെ അടുത്തു എന്നു പറയാനയിട്ടു ഒരു ജിം ഉണ്ടായിരുന്നത് 2 കി.മി. അകലെയുള്ള “ ഒളിമ്പ്യ “ ജിം ആയിരുന്നു. പക്ഷേ , അണ്‍ഫോര്‍ചുണേറ്റ് ലി , വീട്ടുകാര്‍ സമ്മതിക്കണില്ല്യാ.ഇപ്പോല്‍ തന്നെ നിന്നെ തീറ്റിപ്പോറ്റാന്‍ ബുദ്ധിമുട്ടാണെന്നും , ഇനി ‘ ജിമ്മെടുക്കാന്‍ ‘ കൂടി പോയാല്‍ , നിന്നെ സഹിക്കന്‍ പറ്റാതാവുമെന്നു പറഞ്ഞു എന്നിലെ മാംസപേശികളെ തളര്‍ത്തിക്കളഞ്ഞു .പിന്നീട് ഒരു പാടു ഫൈറ്റിങിനു ശെഷം , അവസാനം പെര്‍മിഷനായി.
അങനെ ഞാനും ‘ ഒളിമ്പ്യായില്‍ ‘ എത്തി. ആദ്യമായിട്ടയിരുന്നു ഞാന് ഒരു ജിം നേരിട്ടു കാണുന്നതു . ആദ്യമായി ദുബായിയില്‍ വന്നിട്ട് ‘ഷൈക് സായിദ് റോഡിലോ , ഡാന്‍സ് ബാറിലോ ‘കയറുന്ന ഒരു മലബാറിയെ പോലെ ഞാന് ജിമ്മിലെ കാഴ്ചകള്‍ കണ്ടൂ വായും പൊളിച്ചു നോക്കി നിന്നു!. ഓള്രെഡി കട്ടകളായ കുറെ ചുള്ളന്മാര്‍ പല പൊസിഷനുകളില്‍ വെയിറ്റുകള്‍ എടുത്തടിക്കുന്നു. ‘ഹമ്മറിന്റേയും ‘ ‘ ലാന്റ്ക്രൂയിസറിന്റേയും ഇടയില്‍ പാര്‍ക്ക് ചെയ്ത ‘ടൊയോട എക്കോ’യെ പോലെ ഞാന് അവിടെ അന്തം വിട്ടു നിന്നു. ഞാനൊഴിച്ചു ഈ നാട്ടിലെ എല്ലവന്മാരും കട്ടകളണോ എന്നു ഞാന് സംശയിച്ചു. ജോഷി എന്ന ഒരു കട്ടയാണു അവിടുത്തെ ആശാന്‍ , ചെന്ന് ആളുടെ കാല്‍ തൊട്ടു വന്ദിചു ദക്ഷിണ വച്ചു.. ജൊഷിയേട്ടന്‍ എന്നാണു എല്ലാരും അദ്ദെഹത്തെ വിളിക്കുന്നതു. ഞാന് ആളോട് ചോദിചു , “ ജോഷിയേട്ടാ , ഒരു നല്ല കട്ടയാവാന്‍ ഏകദേശം എത്ര ദിവസം എടുക്കും ? , അല്ലാ, നാട്ടില്‍ പോയി പറയാനാണെയ് , എല്ലാരും കാത്തിരിക്ക്യാണു“!” . ' തിളക്കം “ സിനിമയില്‍ കവ്യമാധവന്റെ ബോഡി ഷേപിലുള്ള എന്നെ ഒന്നു അടിമുടി നോക്കിയിട്ടു ജൊഷിയേട്ടന്‍ പറഞ്ഞു , “ ഉമ്ം ..നീ ഉടനെ തന്നെ കട്ടയാകും...ആകുമ്പോള്‍ ഞാന് പറയാം “ . എന്താണാവോ ആള്‍ ഉദ്ദേശിചത് ?
അങ്ങനെ ഞാനും ഇരുമ്പു പൊക്കാന്‍ തുടങി. പക്ഷെ സങ്ങതി നമ്മള്‍ വിചാരിക്കും പോലെ സിമ്പിള്‍ അല്ല .ഇരുമ്പു പൊക്കല്‍ ,തുടക്കം വല്യ പാടായിരുന്നു. ഡംബെത്സും , ഇരുമ്പ് റാഡുകളുമായി ബലം പിടിച്ചു പിടിചു , പതിയെ പതിയെ ഞാനും ഇവയെ സ്നേഹിക്കാന്‍ തുടങ്ങി. വൈകീട്ടത്തെ ഈ അഭ്യാസം കഴിഞ്ഞ് വീട്ടില്‍ ചെന്നു അവൈലബിളായിട്ടുള്ള എല്ലാം തിന്ന്തീര്‍ത്ത് ഒരു ഉറക്കമാണ് . ഹോ...ആ ഉറക്കത്തിന്റെ ഒരു സുഖം !!!
എന്റെ നാട്ടില്‍ നിന്നും വേറേയും ‘കട്ട ദാഹികള്‍ “ ഒളിമ്പ്യയില്‍ വന്നിരുന്നു. ഷാബിന്‍ , മണികണ്ഠന്‍ , നിഷാദ് , ജിതു എന്നിവരായിരുന്നു ഇവരില്‍ പ്രമുഖര്‍ .അങ്ങനെ ഞങ്ങള്‍ അവിടെ കട്ടകളുടെ ഒരു ടീമായി., ജോഷിയേട്ടനു തലവേദനയും! പക്ഷെ ആളൊരു നല്ല മനുഷ്യനായിരുന്നു, ഞങ്ങളെ വല്ല്യ കാര്യമായിരുന്നു.. ജോഷിയേട്ടന്റെ ട്രൈനിങില്‍ ഞങ്ങള്‍ ഇമ്പ്രൂവ് ചെയ്യാന്‍ തുടങ്ങി.
മാസങ്ങള്‍ കടന്നു പോയീ. അല്‍ഭുതമെന്നു പറയട്ടെ , എന്റെ ബോഡിയിലും മാറ്റങ്ങള്‍ കണ്ടൂ തുടങി ( ശെരിക്കും!) .
പഴയ ചേട്ടന്മാര്‍ പോയതോടെ പിന്നെ ഞങ്ങളുടെ ടീമായി അവിടുത്തെ സീനിയേഴ്സ്. ഞ്ങ്ങളുടെ ടൈമില്‍ പുതുതായി വരുന്ന പിള്ളേരെ വാം അപ് പഠിപ്പിക്കാനും , നിയന്തിക്കാനും ഉള്ള ഭാരിച്ച ചുമതല ജോഷിയേട്ടന്‍ ഞങ്ങള്‍ക്കു തന്നു. അതോടെ ആവശ്യമുള്ളിടത്തും , ഇല്ലത്തിടത്തും ഞങ്ങള്‍ ജൂനിയെഴ്സിനെ കേറി ഭരിക്കാന്‍ തുടങ്ങി.
വൈകീട്ടൂ നാലരയോടെ കോളേജ് വിട്ടു വന്ന് ഞാനായിരിക്കും ജിം തുറക്കുന്നത് . അടുതത ചായക്കടയില്‍ ജോഷിയേട്ടന്‍ താക്കോല്‍ എല്‍പ്പിച്ചു പോയിട്ടുണ്ടാകും.അവിടെ നിന്നും താക്കോല്‍ എടുത്ത് ശേഷം , അമ്പലത്തിലെ ശ്രീകോവില്‍ തുറക്കും പോലെ ഭക്തിയോടെ ഞാന് ഡോറ് തുറക്കും.എന്നിട്ട് സി.ഡി. പ്ലേയറില്‍ പുതിയ കിടിലന്‍ തമിഴ് പാട്ടുകള്‍ ഇടും , എന്നിട്ടു ജോഷിയേട്ടന്റെ കസേരയില്‍ കയറിയിരുന്ന് കുരച്ചു നേരം മുന്‍പിലുള്ള ബസ് സ്റ്റോപ്പിലേക്കു നോക്കിയിരിക്കും . രാവിലെ കോളെജില്‍ പോയ കുട്ടികള്‍ എല്ലാരും സമയത്തിനു തന്നെ പതിവു ബസ്സുകളില്‍ തിരിച്ചെത്തിയെന്നു ഉറപ്പു വരുത്തും. അപ്പോഴേക്കും നമ്മുടെ ടീം എത്തും. പിന്നെ സീരിയസായുള്ള എക്സര്‍സൈസുകള്‍ മാത്രം. ആഗസ്റ്റ് 15 ആണ് ഞങ്ങളെ സംബന്ധിച്ചിടത്തോളം ക്ലബിന്റെ പ്രധാന ദിവസം.കാരണം അന്നു എല്ലാ മെംബര്‍മാര്‍ക്കും ജൊഷിയേട്ടന്റെ വക നോണ് വെജ് ട്രീറ്റ് ഉണ്ട്. ക്ലബ്ബിന്റെ മുന്നില്‍ കൊടി ഉയര്‍ത്തല്‍ ചടങ്ങും ഉണ്ടാകും. അതിനു ശെഷം , കുര്‍ബാന കഴിഞ്ഞ് ‘മരത്താക്കര പള്ളി ‘വിടുന്ന സമയം നോക്കി ഞങ്ങള്‍ മുട്ടായി വിതരണത്തിനും ഇറങ്ങും...അല്ലാ , സ്വതന്ത്ര്യദിനമല്ലെ ?!! മാക്സിമം എയര്‍ പിടിച്ച് ടൈറ്റ് ബനിയനുമിട്ടാണ് ഞങ്ങളുടെ ഈ പ്രകടനം.ഈ ചടങ്ങ് ഇപ്പോഴും ഉണ്ടാകുമോ ആവോ ?
ജൂനിയെഴ്സിനു വേണ്ടീ ചിലപ്പോള്‍ ഞങ്ങള്‍ ജിമ്മില്‍ വിവിധ തരം വൈയ്റ്റടികളെ കുറിച്ച് ഡെമോണ്‍സ്റ്റ്രഷനുകള്‍ നടത്താറുണ്ട് , ജോഷിയെട്ടന്‍ അറിയാതെ! ..പക്ഷെ ഒരിക്കല്‍ ഈ പരിപടി , എന്റെ മാനം കളഞ്ഞു.ശാസ്ത്രീയമായി എങിനെ കാലിലെ മാസപേശികള്‍ വലുതാക്കാം എന്നതിന്റെ ക്ലാസ് അന്നു ഞാനായിരുന്നു എടുത്തിരുന്നത് . എനിക്കു നല്ല ആത്മവിശ്വാസം ഉള്ള ഒരു ഇനമായിരുന്നു ....അതു വരെ ! “ സ്കോട്ടിങ്ങ് “ എന്നണ് ഈ ഇനത്തിന്റെ പേര് . നല്ല കനമുള്ള ഇരുമ്പ് റാഡാണ് ഇതിനു ഉപയോഗിക്കണത് . റാഡിന്റെ രണ്ടൂ വശത്തും വേയ്റ്റ് ഡിസ്കുകള്‍ ഇട്ട ശെഷം , ഷോല്‍ഡെറില്‍ വെച്ച് കൈകള്‍ ഷോല്‍ഡെര്‍ ലെവലില്‍ റാഡ് സപ്പോര്‍ട്ട് ചെയ്ത് ഇരുന്നെഴുന്നെല്‍ക്കണം. പതിവിലും കുറച്ചു കൂടുതല്‍ വെയ്റ്റ് ഞാന് എന്തിനാണാവൊ അന്ന് ഇട്ടത് ?! റാഡ് ഷോള്‍ഡറില്‍ വച്ച് ഇരുന്നതേ എനിക്കോര്‍മയുള്ളു.., പിന്നെ ഡിസ്കുകള്‍ താഴെ വീഴുന്ന ശബ്ദം കേട്ടൂ . നടുവേദനയുമായി എഴുന്നേറ്റപ്പോള്‍ ഷോള്‍ഡെറില്‍ റാഡ് മാത്രമായി കുരിശില്‍ ക്രൂശിക്കപ്പെട്ട യെശു ക്രിസ്തിവിന്റെ പൊസിഷനില്‍ ആയിരുന്നു ഞാന് . കണ്ടൂ നിന്നവരുടെ റിപ്പോര്‍ട്ട് പ്രകാരം , ആദ്യം വയിറ്റ് ബാ‍ലന്‍സ് പോയി ഒരു സൈഡിലെ ഡിസ്കുകള്‍ എല്ലാം താഴെ വീഴുകയും , തുടര്‍ന്ന് മറ്റേ സൈഡിലേക്കു റാഡ് ചരിഞ്ഞ് ആ സൈഡിലേയും ഡിസ്കുകള്‍ താഴെ വീണു. എല്ലാരും ഓടികൂടി . “ എയ് , ഒന്നും പറ്റിയിട്ടില്ല്യ !” എന്നും പറഞ്ഞു ഞാന് പതുക്കെ റിലാക്സ്ഡ് ആകാന്‍ ശ്രമിച്ചു. പക്ഷെ നടു വേദന കാരണം നേരെ നില്‍ക്കാന്‍ പറ്റണില്ല. അപ്പോഴെക്കും ജോഷിയേട്ടന്‍ ഓടി വന്നു , “ പറ്റാത്ത പണിക്കു എന്തിനാടാ പോണെ ?” എന്ന് എന്നൊടും , “ നീയൊക്കെ എവിടെ നോക്കി നില്‍കാര്‍ന്നൂ‍ടാ ?“ എന്നു സപ്പൊര്‍ട്ടു ചെയ്യാനെന്നും പറഞ്ഞു നില്‍ക്കുന്നവന്മാരോടും ചൂടായി. നല്ല ഉഗ്രന്‍ തെറികളോടു കൂടിയ ഉപദേശം എല്ലാര്‍ക്കും ജോഷിയേട്ടന്റെ കയ്യില്‍ നിന്നും കിട്ടി. അതിനു ശെഷം , കാലിലെ മാംസപെശികള്‍ക്കു ഉള്ള വലിപ്പം തന്നെ മതി എന്നു ഞാന് തിരുമാനിച്ചു. പക്ഷെ , ആ നടുവേദന എന്നെ ദിവസങ്ങളോളം പിന്തുടര്‍ന്നു. ഈ സംഭവത്തിനു ശെഷം , ജൂനിയെഴ്സിന് ക്ലാസെടുത്ത് ആളാകുന്ന പരിപാടിയും ഞാന് നിര്‍ത്തി. അത് ജോഷിയേട്ടന്‍ പറഞ്ഞിട്ടൊന്നുമല്ലാ..വെറുതെ !!!
Dedicated to :
Olympia Health Club
PO Marathakara , Ollur
Thrissur.
Instructor : Joshi
Subscribe to:
Post Comments (Atom)
Mr.Gopan..njaan aa jimmil vannittilla...but avidey varaarundaayirunna karakkada pranjiyettan ningale pattiyellaam paranju kettittundu...njangal marathakara palliyil sthiramaayi cricket kalikkunna gadikalaanu..pinnakku joyettante nedhrathwathil foot ballum...pinney olimpiya area cheriya poovaalanmaarudey area aayittanu paranju kettittulladhu...shariyalle...kure naalukalkku shesham ente naadine patti thaan ezhudhiyadhu kandappol santhosham thonni...!!!nannayittundu..post..!!!pinney vishalamanaskante aagyana reedhi varunnundu...adhu nammal thrissurukaaru vijaarichaal maattaan pattilla..alle????
ReplyDelete